Të bëhemi të pazëvendësueshëm për klientët tanë duke iu ofruar produkte dhe shërbime të cilësisë së lartë, të cilat i ndihmojnë ata të arrijnë qëllimet e tyre.
Të jemi zgjedhja e parë në tregun e përpunimit të armaturës nëpërmjet ofrimit të produkteve dhe shërbimeve cilësore që krijojnë një mjedis të sigurtë dhe të jemi faktorë kyç në realizimin e projekteve të cilësisë së lartë që ia rritin vlerën investimeve të klientëve tanë.
Kompania Vam Trade sh.p.k. Prishtinë është themeluar në vitin 1994 nga Xhemail Ismajli.
Ishte kohë sfiduese në vitet 90-të kur z. Xhemail Ismajli nisi investimin në Kosovë, duke ngritur një depo të vogël në Vetërnik, ku bëhej shitja e armaturës sipas kërkesës së tregut. Sot VAM vazhdon të udhëhiqet nga i biri i tij, Arianit Ismaili.
Ndërmarrja ka filluar punën me një nënpunës dhe me një kapital simbolik. Duke punuar me përkushtim, vizion dhe me këmbëngulje për të arritur rezultate sa më të mira, sot VAM e ka zgjeruar veprimtarinë e vet. Pa dyshim, ai konsiderohet si një nga furnizuesit kryesorë të tregut kosovar me çelik për ndërtim dhe të ngjashme.
Në vitin 2008, kompania e ka ndërruar lokacionin në një hapësirë më të madhe në periferi të Prishtinës. Gjithashtu, është rritur edhe numri i punonjësve, të cilët janë meritorë në zhvillimin e hovshëm të kompanisë.
Ekipi drejtues i VAM është një grup dinamik individësh, të bashkuar në përkushtimin e tyre për të fituar besimin e anëtarëve të ekipit, klientëve dhe partnerëve. Së bashku, ata na udhëheqin drejt arritjes së vizionit tonë të përbashkët për ngritjen e biznesit të ndërtimit.
