“Vam Bend” certifikohet si Operator i Autorizuar Ekonomik (AEO)

Me kënaqësi ju njoftojmë se pas përmbushjes së të gjitha kritereve të parapara ligjore dhe pas një vlerësimi të kujdesshëm të performancës sonë në fushën e importit dhe eksportit, kompania jonë “Vam Bend” Sh.p.k. është nderuar me një certifikatë të veçantë, e cila na njeh zyrtarisht si Operator të Autorizuar Ekonomik (AEO) nga Drejtori i Përgjithshëm i Doganës së Kosovës, zt.Agron Llugaliu.

Ky moment është një pikë kulmore në historinë tonë të zhvillimit dhe një dëshmi e përpjekjeve të palodhura të ekipit tonë për të përmbushur dhe tejkaluar standardet më të larta të sigurisë dhe mbrojtjes në kuadër të programit të AEO-ve. Për ne, kjo certifikatë paraqet një konfirmim të përpjekjeve tona për të pasuruar dhe përmirësuar metodat tona të punës në fushën e transportit dhe logjistikës.

Si Operator të Autorizuar Ekonomik, ne ndihemi të nderuar dhe të privilegjuar që kemi mundësinë për të ofruar një shërbim më të mirë dhe më të shpejtë për klientët tanë. Ky status na jep prioritet në procedurat doganore dhe mundësinë për të shmangur detyrimet e ndjekura në detaje, duke përmirësuar kështu efikasitetin tonë dhe duke ulur kostot.
Ky sukses është pasqyrë e bashkëpunimit tonë të ngushtë me autoritetet doganore dhe vlerësohet si një dëshmi e besueshmërisë sonë si partner i besueshëm në procedurat doganore. Kjo është një arritje që po e shpërndajmë me krenari në të gjithë ekipin tonë dhe detyrimisht do të na nxitë për të punuar pa u lodhur në përmirësimin ende më tej të shërbimeve tona ndaj klientëve tanë dhe për të ruajtur këtë status të lartë të AEO-s.
Në emër të kompanisë “Vam Bend” Sh.p.k., ju falenderojmë për mbështetjen dhe besimin tuaj të vazhdueshëm.